10 months ago
اضفنا جائزة اختيار الجمهور
عدلنا الجوائز شوية و اضفنا جائزة اختيار الجمهور.
كيف حنختار الفائز بالجائزة دي؟
بعد ما مواعيد التسليم تنتهي، حنفتح الفرصه لانو اي زول يصوت على المشاريع. المشروع ال حيحصل على أكبر نسبة أصوات حيفوز بجائزة قدرها ١٠٠ دولار.
اضفنا برضو سؤال قبل تسليم المشروع، لازم تجاوب عليه عشان نعرف اذا بتسمح لينا نعرض مشروعك للتصويت ولا لا. اذا سلمت مشروعك و انتهيت يا ريت ترجع تعدل مشروعك و تجاوب على السؤال ده.
منو الممكن يصوت؟
اي زول ممكن يصوت و ما لازم يكون مشارك في المسابقة. لكن لازم يكون عنده حساب على موقع المسابقه.
المشاركه في الجائزة دي و التصويت ما اجباريه. ممكن تختار انو مشروعك ما يتعرض للتصويت و تسلم مشروعك عادي و حيكون عندك الفرصه انك تفوز باي جائزة من الجوائز التانيه.
هل ممكن زول يفوز بي جائزة المركز الأول/التاني/الثالث و برضو يفوز بجائزة اختيار الجمهور؟ ايوه ممكن